arrow

२१ वर्ष कान्छी मान्यतालाई रोजे सञ्जय दत्तले, यसरी सुरु भयो कहानी

logo
प्रकाशित २०७७ माघ २५ आइतबार
sanjaya-dutta-manyata.jpg

काठमाडौँ । बलिउड अभिनेता सञ्जय दत्त र उनकी पत्नी मान्यता दत्त बलिउडको पावर कपलको सूचीमा छन्। सञ्जय र मनयताले ७ फेब्रुअरी २००८ मा बिहे गरेका थिए । उनीहरूको विवाह भएको १३ वर्ष भएको छ । यी १३ वर्षमा सञ्जय र मान्यता बिचको केमेस्ट्रीमा कुनै भिन्नता छैन। दुवै एक अर्कालाई अत्यन्तै प्रेम गर्दछन्। सञ्जय दत्त र मान्यताको बिच उमेरमा ठुलो फरक रहेको छ तर यो अन्तर उनीहरू बिच कहिल्यै प्रतिबिम्बित हुँदैन। यी दुईको प्रेम कहानी पनि फिल्म कहानी भन्दा कम छैन।

धेरै केटीहरू सञ्जय दत्तको जीवनमा आए। मान्यतासँग विवाह गर्नु अघि सञ्जयले दुई पटक विवाह गरेका थिए। जे भए पनि उनको जीवनमा कति केटीहरू आए र गए त्यसको हिसाब किताब छैन । तर सञ्जयलाई सबैभन्दा बढी आवश्यकता परेको समयमा मान्यताले उनलाई साथ दिइन्।  जब सञ्जय आफ्नो जीवनमा एक्लै थिए मान्यता सधैँ उनीसँगै थिइन्। यी दुईको प्रेम कहानी एक फिल्म को कारण सुरु भयो।

मान्यताको जन्म मुस्लिम परिवारमा भएको थियो । पहिला मान्यताको नाम दिलनवाज शेख थियो । उनले बलिउडमा आएपछि सारा खान राखेकी थिइन् ।  फिल्म उद्योगमा यही नामबाट उनलाई पहिचान मिलेको थियो । प्रकाश झाको फिल्ममा आइटम नम्बरको काम गरेपछि उनले आफ्नो नाम मान्यता राखेकी थिइन् ।
 
मान्यता अहिले सञ्जय दत्त प्रोडक्शनकी सिइओ हुन् । अहिले उनी सञ्जय दत्तको सबै काम सम्हालिरहेकी छिन् । उनले गंगाजल फिल्ममा आइटम डान्स गरेकी थिइन् । मान्यताका पिता दुबईमा व्यवसायी थिए । उनको मृत्युपछि घर सम्हाल्ने जिम्मेवारी आएपछि उनले आफ्नो फिल्मी करियर छाडेकी थिइन् ।

मान्यताको एक तेस्रो दर्जाको फिल्मलाई सञ्जय दत्तले २० लाख भारुमा खरिद गरेका थिए । उक्त बैठकमा पहिलो पटक सञ्जय दत्त र मान्यताको भेट भएको थियो । यो बैठक पछि, ती दुवैले फोनमा कुरा गर्न थाले र मान्यता सीधा सञ्जयलाई भेट्न थालिन्। दुवै घण्टौँ फोनमा कुरा गर्थे।  मान्यता त्यसपछि बेलाबेलामा सञ्जय दत्तको घरमा गइरहने गर्थिन् । त्यति बेला सञ्जय अर्की केटीसँग प्रेम सम्बन्धमा थिए । तर, पछि उनले मान्यतालाई साथ दिने निर्णय गरेका थिए ।

भनिन्छ  जब मान्यता र सञ्जय दत्त मिले, सञ्जय जुनियर कलाकार नादिया दुरानीसँग डेट गर्दै थिए। एकातिर नाडिया सञ्जय दत्तको क्रेडिट कार्डको साथ किनमेल गर्दै थिइन् भने अर्कोतर्फ मान्यताले बिन माग सबै काम गरिरहेकी थिइन्। यसले मान्यताको प्रति सञ्जयको झुकाव बनायो।

सन् २००८ मा उनले मान्यतासँग विवाह गरेका थिए । त्यति बेला मान्यता २९ वर्षकी थिइन् । तर, सञ्जय दत्त ५० वर्षका थिए । दुवैको विवाहको लागि सञ्जयको परिवारले विरोध गरेका थिए । मान्यता सञ्जय दत्तकी छोरी त्रिशालभन्दा केही वर्ष मात्र जेठी थिइन् । सन् २०१० म मान्यताले जुम्ल्याहा बच्चालाई जन्म दिएकी थिइन् ।



लोकप्रिय समाचार
लोकप्रिय समाचार
नयाँ