वीरगन्ज। नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले निजी क्षेत्र भनेको देशको आर्थिक विकासका लागि 'रियल एक्टर' हो भनेका छन्। उनले भने- 'मुलुकको विकास र आर्थिक समृद्धिका लागि निजी क्षेत्रको भूमिका उल्लेखनीय छ। 'उनले भने- "निजी क्षेत्रले रोजगारी सृजना गर्नुका साथै मुलुकलाई राजस्वमा योगदान पुराउने र पूर्वाधार निर्माण र यसको विकासमा पनि मुख्य भूमिका खेलेको छ, त्यसैले निजी क्षेत्र भनेको देश विकासको एक रियल एक्टर नै हो।"

वरिष्ठ उपाध्यक्ष ढकालले वीरगन्ज उद्योग वाणिज्य सङ्घको ४५ औँ वार्षिक साधारण सभालाई आज प्रमुख अतिथिका रूपमा सम्बोधन गर्दै कोभिडका कारणले दुई प्रतिशतको नेगेटिभ ग्रोथ भइरहेको अवस्था रहेको पनि स्पष्ट गरे। उनले यहाँका जति पनि समस्या र मुद्दाहरू छन् तिनलाई नियमनकारी निकायमा लग्नका लागि वीरगन्ज उद्योग वाणिज्य सङ्घले पहल गर्ने र महासङ्घले सम्बन्धित निकायमा लैजाने प्रतिबद्धता व्यक्त गरे।

नेपालमा कर तिर्ने देशहरूको हिसाब गर्ने हो भने १९० देशहरूको हिसाब गर्दा हामी १७५ स्थानमा रहेको पनि उनले जानकारी गराए। त्यस्तै लजिस्टिकको हिसाबले ११४ वटा देशलाई तुलना गर्दा खेरी हामी १०८ औँ नम्बरमा परेको अवस्था रहेको उनले बताए।

देशमा व्यावसायिक क्रियाकलापहरू बढाउने वातावरणका लागि नेपाल पछाडि रहेको तथ्याङ्क प्रस्तुत गर्दै उनले आफू नेपालको निजी क्षेत्रको एक प्रतिनिधित्वका हिसाबले त्यसमा सुधारका लागि सरकारले पहल गर्नुपर्ने धारणा राखे।

नेपाल उद्योग वाणिज्य महासङ्घको सदस्यको रूपमा वीरगन्ज उद्योग वाणिज्य सङ्घले सक्रिय रुपमा काम गरेको बताए। उनले आगामी दिनमा वीरगन्ज उद्योग वाणिज्य सङ्घसँग सहकार्य गरेर व्यावसायिक गतिविधिलाई अझै सक्रिय रूपमा अगाडी बढाउने बताए। त्यसै गरी व्यावसायिक गतिविधिलाई बढाउनको लागि कर तिर्ने वातावरणको हिसाबले १९० देशहरूका तुलनामा नेपाल १७५औँ नम्बरमा रहेको पनि उनले जानकारी दिए।

वरिष्ठ उपाध्यक्ष ढकालले भने, लजिस्टिककको हिसाबले हेर्दा ११४ देशहरूलाई तुलना गर्दा नेपाल १०८औँ नम्बरमा परेको थियो भने सडक सञ्जालमा १०१ औँ स्थानमा रहेको छ। साथै गुणस्तरको हिसाबले १२० औँ नम्बरमा परेको अवस्था स्पष्ट पारे।

यस तथ्याकंले व्यावसायिक गतिविधिलाई बढाउनको लागि धेरै पछाडि रहेको उनको तर्क थियो। उनले देशमा लगानीको वातावरण निर्माण गर्न र निजी क्षेत्रमैत्री नीतिको अख्तियार गर्न देशका तीन तहका सरकारले सहज र समन्वयकारी भूमिका निर्वाह गर्नुपर्ने बताए। तीन तहको सरकारको मेकानिजम दशेमा व्यावसायिक प्रमोट गर्ने हिसाबको हुनुपर्ने उनको सुझाव थियो। उनले भने नेपालमा एउटा सानो आइपियो खुल्दा पनि कति गुणा बढी आवेदन पर्छ यसबाट हामीसँग कति धेरै पैसा छ भन्ने स्पष्ट हुन्छ।

यो अवस्था भनेको नागरिक लगानीका लागि आतुर भएको अवस्था हो भन्ने बुझेर देशले स्वदेशी र विदेशी लगानीका लागि इन्करेज हुने खालको नीति, नियम तथा वातावरण बनाओस् उनले भने।