-
-
-
-
काठमाडौं । बलिउड अभिनेता अक्षय कुमारको चलचित्र ‘सूर्यवंशी’ को रिलिज डेट सार्वजनिक भएको छ । चलचित्र निर्देशक रोहित शेट्टीले आफ्नो ४८ औं जन्मदिनको अवसरमा आइतबार शेट्टीले चलचित्र अप्रिल ३० तारिखमा रिलिज हुने बताए ।
उनले सामाजिक संजालमा पोष्ट गर्दै लेखेका छन्, ‘प्रिय दर्शक र मेरा कलाकारका फ्यान क्लब, मलाई थाहा छ पूरै एक वर्ष ‘सूर्यवंशी’ को रिलिजका लागि प्रतिक्षा गर्नुभयो । हाम्रा लागि यो भन्दा बढी खुशी केही हुन सक्दैन । हाम्रो चलचित्र ३० अप्रिल २०२१ मा सिनेमाघरहरुमा रिलिज हुँदैछ ।’
रोहितले पोष्टमा अगाडि लेखेका छन्, ‘यो कुरा निश्चय पनि थाहा छ कि महाराष्ट्रमा कोभिड–१९ लाई रोक्नका लागि सिनेमाघरमा ५० प्रतिशतमात्र दर्शक राख्ने अनुमति दिइएको छ । यसका लागि महाराष्ट्र सरकारलाई समर्थन गर्दछौं । राम्रो कुरा यो हो कि कोरोनाको खोप लगाउने अभियान तीव्र गतिमा चलाइएको छ ।’
