-
-
-
-
मोरङ । मोरङको कानेपोखरीमा शुक्रवार संस्कृति,पर्यटन तथा नागरिक उड्डयन मन्त्री भानुभक्त ढकाललाई स्थानीय युवाले कालो झण्डा देखाएका छन् ।
भ्रष्टाचारी मन्त्री मुर्दावाद, भ्रष्टाचारी बाइ बाइ क्षेत्र छिर्न नपाइ, १ अर्ब २४ करोडको हिसाब खोइ लगायतको प्लेकार्ड बोकेका युवाहरूले मन्त्री ढकाल विरुद्ध चर्को नाराबाजी गरी कालो झण्डा प्रदर्शन गरेका थिए ।
कानेपोखरी ६ स्थित रमाइलो बजारमा शुक्रवार माओवादी केन्द्रको युवा सङ्गठन वाइसीएल र नेपाली काँग्रेसको युवा सङ्गठन तरुण दलका कार्यकर्ताहरूले कालो झण्डा देखाएका हुन् ।
युवाहरूले चर्को नारा बाजी सहित कालो झण्डा देखाए पछि मन्त्री ढकाल बाटो परिवर्तन गरी कार्यक्रम स्थल गएका थिए ।
मन्त्री ढकाल नेकपा एमाले ओली समूहको कानेपोखरी गाउँ कमिटीका नव गठित सदस्यहरूलाई शपथ ग्रहण गराउन कानेपोखरी आएका हुन् ।
