ट्राई नेशन्स टि-२० : नेपालसामु मलेसियाले दियो १ सय १० रनको लक्ष्य
हाम्राकुरा संवाददाता
प्रकाशित २०७८ वैशाख ६ सोमबार
1.1k
Shares
काठमाडौं। नेपालमा जारी ट्राई नेशन्स टि-२० क्रिकेट प्रतियोगितामा टस जितेर मलेसियालाई ब्याटिङका लागि निम्त्याएको नेपालले राम्रो प्रदर्शन गरेको छ। नेपालले मलेसियालाई १ सय ९ रनमा समेटेको हो। जीतका लागि नेपाललाई निर्धारित २० ओभरमा १ सय १० रनको आवश्यकता रहेको छ ।
नेपालका लागि करण केसीले तीन , सन्दिप लामिछानेले २ विकेट लिएका थिए। त्यसैगरि सोमपाल कामी, दिपेन्द्र सिंह ऐरी, शाहाब आलम र कुशल मल्लले १-१ विकेट लिएका थिए। मलेसियाका लागि सइद अजिजले सर्वाधिक २७ रन बनाएका थिए। त्यसैगरि सार्विन मुनान्दीले २० रनको ययोगदान दिएका थिए।
सुरुवातमा केही लय समातेको मलेसिया नेपाली बलिङ आक्रमण सामु धेरै बेर टिक्न सकेन। नेपाली बलरहरुको कसिलो बलिङ अगाडि निरीह देखिएको मलेसिया १६.५ ओभरमा सबै विकेट गुमाउन पुगेको थियो।
