-
-
-
-
काठमाडौं । च्याम्पियन्स लिग फुटबलको सेमिफाइनलको पहिलो लेगमा पेरिस सेन्ट जर्मेन (पीएसजी) पराजित भएको छ । फ्रेन्च क्लब पीएसजीलाई इङ्गलिश क्लब म्यानचेस्टर सिटीले पराजित गरेको हो ।
बुधबार राति भएको खेलमा सिटीले पीएसजीलाई २–१ गोल अन्तरले हराएको हो ।
घरेलु मैदानमा पीएसजीले खेलको १५ औं मिनेटमै माक्र्विनोसको गोलमा अग्रता लियो । त्यसपछि भने केभिन डी ब्रुने र रियाद महरेजले गोल गर्दै सिटीलाई जित दिलाए ।
अतिथि सत्कार गरिरहेको पीएसजीका इद्रिस गना गुयेले खराब ट्याकल गरेपछि रातो कार्ड खाँदै मैदानबाट बाहिरिनु परेको थियो ।
पीएसजीको मैदानमा जित हासिल गरेको सिटी फाइनल पुग्नका लागि बलियो देखिएको छ ।
दोस्रो लेगको खेल सिटीको मैदानमा हुनेछ । दोस्रो लेग मे ४ तारिखको राति सिटीको मैदानमा हुनेछ ।
अर्को सेमिफाइनलमा चेल्सी र रियाल मड्रिड भिडिरहेका छन् । पहिले लेग १–१ गोलको बराबरी खेलेकामा दोस्रो लेग ५ मे को राति चेल्सीको मैदानमा हुनेछ ।
