प्रधानमन्त्री ओलीले डाके मन्त्रिपरिषदको आकस्मिक बैठक
हाम्रा कुरा
प्रकाशित २०७८ वैशाख १९ आइतबार
2.4k
Shares
काठमाडौं । प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् । उनका विश्वास पात्र लुम्बिनी प्रदेशका मुख्यमन्त्री शंकर पोखरेलले पदबाट राजीनामा दिएसँगै एकाएक केन्द्रमा समेत भुइँचालो जाँदा ओलीले मन्त्रिपरिषद्को बैठक बोलाएका हुन् ।
बैठक प्रधानमन्त्रीको सरकारी निवास बालुवाटारमा अपरान्ह ४ बजे बैठक बोलाइएको एक मन्त्रीले जानकारी दिए । तर उनले बैठकका एजेण्डा भने खुलाएनन् । उनले भने, ‘हामीलाई बोलाइएको छ एजेण्डा त्यहीँ गएरै थाहा हुन्छ ।’
मन्त्रिपरिषद्को नियमित बैठक सोमबार बस्दै आएको छ । तर लुम्बिनी प्रदेशमा पहिरो गएपछि ओलीको पनि सातो गएको छ ।
२०७४ को निर्वाचनपछि पहिलो पटक लुम्बिनी प्रदेशमा सत्ता परिवर्तन हुन लागेको हो । मुख्यमन्त्री शंकर पोखरेलले राजीनामा दिएपछि यो चक्र अब अन्य प्रदेशमा पनि फैलिने बताइन्छ ।
यसअघि कर्णाली प्रदेशका मुख्यमन्त्री महेन्द्रबहादुर शाही विरुद्ध अविश्वासको प्रस्ताव परे पनि उनले भने एमालेकै चार सांसदहरुको ‘फ्लोर क्रस’ का कारण विश्वासको मत लिएका थिए ।
उनी माओवादी केन्द्रका हुन् ।
ओलीका विश्वासीहरु गण्डकी प्रदेशका मुख्यमन्त्री पृथ्वीसुब्बा गुरुङ विरुद्ध पनि अविश्वासको प्रस्ताव दर्ता भइसकेको छ । चुनावकै दिन जनमोर्चाका सांसद र एमालेकै राजीव गुरुङ (दीपक मनाङे) बेपत्ता भएपछि चुनाव बिथोलिएको थियो ।
दीपक मनाङेलाई मुख्यमन्त्री गुरुङले खेलकुद मन्त्री बनाइसकेका छन् ।
