कोभिसिल्ड खोप लगाएकालाई दोस्रो डोजका रूपमा 'उस्तै अर्कै खोप' दिइने !
हाम्रा कुरा
प्रकाशित २०७८ जेठ २३ आइतबार
878
Shares
काठमाडौं। गत फागुन २३ गतेदेखि चैत १० गतेसम्म कोभिसिल्ड खोपको पहिलो डोज लगाएकाहरूलाई सोही प्रकृतिको अर्को खोप दिइने भएको छ । तीन महिना पुरा भइसकेपछि आजदेखि सो खोपको दोस्रो मात्रा दिइनु पर्ने थियो ।
यद्यपि खोप खरिद गरिएको भारतको सेरम इन्स्ट्यिुटले अभावका कारण तत्काल खोप उपलब्ध गराउन नसकिने भनेपछि खोप लगाउन असमर्थ भएको स्वास्थ्य मन्त्रालय अन्तर्गतको स्वास्थ्य सेवा विभागले जनाएको छ ।
विभागले आइतबार एक विज्ञप्ति जारी गर्दै सो खोप लगाउन असमर्थ भइएको र अब सोही प्रकृतिको अर्को खोप लगाइने बताएको छ ।
मन्त्रालयले कोभिसिल्ड खोपको विकल्पमा एस्ट्राजेनेका कै खोप लगाइने भन्दै सबैलाई धैर्य रहन आग्रह गरेको छ ।
स्वास्थ्य सेवा विभाग र युनिसेफको सहकार्यमा डेनमार्कबाट करिब १४ लाख एस्ट्राजेनेकाको खोप भित्रिने तयारी भइरहेको समाचार विभिन्न सञ्चारमाध्यममा आएको छ ।
कोभिसिल्ड र एस्ट्राजेनेका एउटै किसिमको खोप हुन् । विभागले कोभिसिल्डको विकल्पमा यहीँ खोप लगाउने तयारी गरेको देखिन्छ ।
