-
-
-
-
काठमाडौँ । अन्तर्राष्ट्रिय क्रिकेट परिषद् (आईसीसी)ले जारी गरेको टी २० क्रिकेटको बरियतामा नेपालका चार खेलाडी समेटिएका छन् । बरियतामा परेका खेलाडीमा पूर्व कप्तान पारस खड्का, कप्तान ज्ञानेन्द्र मल्ल, कुशल भूर्तेल र लेग स्पिनर सन्दीप लामिछाने रहेका छन् ।
आईसीसीले जारी गरेको टी २० क्रिकेटको पछिल्लो बरियतामा पूर्व कप्तान खड्का ८८औँ स्थानमा रहेका छन् । नेपाली राष्ट्रिय क्रिकेट टोलीका सदस्य भूर्तेल र कप्तान मल्लको बरियतामा सुधार आएको छ । भूर्तेल ६० औँ स्थानमा तथा मल्ल ९२औँ स्थानमा रहेका छन् । यसअघि भूर्तेल ६१औँ तथा मल्ल ९४औँ स्थानमा थिए ।
पछिल्लो बरियतामा यस्तै लामिछाने ७६औँ स्थानमा रहेका छन् । नयाँ बरियता अनुसार टी २० क्रिकेटमा नेपाल १३औँ स्थानमा रहेको छ ।
