काठमाडौं । ईन्डियन प्रिमियर लिग (आईपीएल) टी–२० क्रिकेटमा भारतीय कप्तान विराट कोहलीको टिम रोयल च्यालेन्जर्स बैंगलोरले लगातार दोस्रो हार बेहोरेको छ । कोरोना महामारीका कारण १४० दिनपछि यूएईमा भइरहेको आईपीएलमा बैंगलोरलाई महेन्द्र सिंह धोनीको चेन्नई सुपर किङ्सले हराएको हो ।
शारजहाँमा शुक्रबार राति भएको खेलमा चेन्नईले बैंगलोरलाई ६ विकेटले हराएको हो । बैंगलोरले दिएको १५७ रनको विजयी लक्ष्य चेन्नईले १८.१ ओभरमा ४ विकेटको नोक्सानीमा पूरा गर्यो ।
चेन्नईको जितमा ओपनर रुतुराज गायकवाडले सर्वाधिक ३८ रन, अम्बाती रायाडुले ३२ रन जोडे । फाप डु प्लेसिसले ३१ तथा मोइन अलीले २३ रन बनाए ।
सुरेश रैना १७ तथा धोनी ११ रनमा नटआउट रहे । बैंगलोरका हर्सल पटेलले २ तथा युजभेन्द्र चहल र ग्लेन म्याक्सवेलले १–१ विकेट लिए ।
बैंगलोरको इनिङ्स
यसअघि पहिले ब्याटिङ गरेको बैंगलोरले निर्धारित २० ओभरमा ६ विकेटको नोक्सानीमा १५६ रन बनाएको थियो ।
देवदत्त पडिकलले ५० बलमा ७७ रन बनाए । कोहलीले ४१ बलमा ५३ रन बनाए । तर यो अर्धशतकले काम गरेन ।
चेन्नईका दयाने ब्राभोले ३ विकेट लिए । शार्दुल ठाकुरले २ तथा दीपक चाहरले १ विकेट लिए ।
अंक तालिका
यो जितसँगै चेन्नईले ९ खेलमा १४ अंक जोडेको छ । चेन्नई शीर्ष स्थानमा पुग्न सफल भएको छ ।
बैंगलोर ९ खेलमा १० अंकसहित तेस्रो स्थानमा रहेको छ ।
दोस्रो स्थानको दिल्ली क्यापिटल्सको ९ खेलबाट १४ अंक नै रहेको छ ।
