-
-
-
-
काठमाडौँ । परराष्ट्रमन्त्री नारायण खड्काले लिएको पद तथा गोपनीयताको शपथ बदर माग गर्दै सर्वोच्च अदालतमा रिट दायर भएको छ ।
परराष्ट्रमन्त्री खड्काले सङ्घीय कानुन नै नबनेको अवस्थामा शपथ लिएको र शपथ गैर कानुनी भएको दाबीसहित बदर माग गर्दै सर्वोच्चमा अधिवक्ता विशाल न्यौपानेले आज मङ्गलवार रिट दायर गरेका हुन् ।
रिटमा कुनै कानुनी व्यवस्थाबिनै शपथ गराइएको जिकिर गरिएको छ । रिटको पेसी बुधवारका लागि तोकिएको छ ।
प्रधानमन्त्रीको सिफारिसमा राष्ट्रपति विद्यादेवी भण्डारीले खड्कालाई परराष्ट्र मन्त्रीमा ६ भदौमा नियुक्त गर्दै पद तथा गोपनीयताको शपथ गराएकी थिइन् ।
सर्वोच्चमा दायर रिटमा खड्कालाई परराष्ट्रमन्त्रीको हैसियतमा काम नगर्न-नगराउन अन्तरिम आदेशको गरिएको छ ।
