काठमाडौं । हिन्दी टेलिसिरियल ‘तारक मेहताका उल्टा चश्मा’ का अभिनेता घनश्याम नायकको निधन भएको छ । उनी उक्त सिरियलमा नट्टु काकाका नामले परिचित थिए ।
उनको ७७ वर्षको उमेरमा निधन भएको हो । उनी पछिल्लो समय क्यान्सर पीडित थिए । उनको निधन भएको कार्यक्रमका निर्माता असित मोदीले दिएका हुन् ।
उनले सामाजिक संजालमार्फत यो जानकारी दिएका हुन् । नट्टु काकाका छोरा विकासका अनुसार ३ महिना पहिले उनको घाँटीमा दाग देखिएको थियो । गत वर्षमात्रै अप्रेशन भएको थियो ।
उनको स्वास्थ्यमा सुधार आएको भए पनि अचानक स्वास्थ्य बिग्रिएसँगै ज्यान गएको हो ।
उनले सन् १९६० मा अशोक कुमारको चलचित्र मासूममा बाल कलाकारका रुपमा बलिउडमा डेब्यु गरेका थिए ।
त्यसपछि उनले बेटा, तिरंगा, आँखे, लाडला, क्रान्तिवीर, आन्दोलन, बरसात, माफिया, चाहक, इश्क, चाइना गेट, तेरे नाम, हम दिल दे चुके सनम, खाकी लगायतका दर्जनौं चलचित्रमा अभिनय गरेका थिए ।
सन् १९४४ को १२ मे मा जन्मिएका नट्टु काकाको आइतबार निधन भएको हो ।
