-
-
-
-
स्याङ्जा । स्याङ्जाको वालिङमा जिप दुर्घटना हुँदा दुई जनाको ज्यान गएको छ । वालिङ बजारबाट गल्याङको पकवादीका लागि छुटेको ग१ज ४९१८ नम्बरको जिप वालिङ १० मदी खोलामा दुर्घटनामा परेको हो ।
दुर्घटनामा अन्य १० जना घाइते भएका छन् । दुर्घटनामा परी मृत्यु हुनेमा गल्याङ नगरपालिका ९ का ३२ वर्षीय गंगी पल्ली र ७७ वर्षका दलबहादुर पल्ली रहेको वडा प्रहरी कार्यालय वालिङका प्रमुख एवं प्रहरी निरीक्षक हरिप्रसाद पौडेलले जानकारी दिए ।
दुर्घटनामा घाइते भएकाहरूलाई उपचारका लागि गह्रौं प्राथमिक अस्पताल लगिएको छ । उकालोमा ब्रेक फेल भएर जिप झन्डै पाँच सय मिटर तल झरेको प्रहरीले जनाएको छ ।
