-
-
-
-
पोखरा । पोखरामा बस दुर्घटना भएको छ । दुर्घटनामा बसमा सामान्य क्षति भए पनि मानवीय क्षति भने नभएको बताइन्छ ।
पोखरा महानगरपालिका २२ स्थित शान्ति स्तूपा नजिकै ग१ख ३९८४ नम्बरको माइक्रो बस दुर्घटनामा परेको कास्की प्रहरीले जनाएको छ ।
पुम्दीकोटमा रिजर्भका लागि गएको बस मध्यान्ह १२ बजेतिर विश्व शान्ति स्तुपाको पार्किङ नजिकैको घुम्तीमा दुर्घटना भएको कास्की प्रहरी प्रवक्ता सुवास हमालले जानकारी दिए ।
बसमा चालक मात्र रहेको र चालकको अवस्था सामान्य उनले बताए । दुर्घटनाको कारण नखुलेको प्रहरीले जनाएको छ ।
