-
-
-
-
काठमाडौं । नेपाल बार एसोसिएसनले सोमबार पनि आफ्नो विरोध कार्यक्रम जारी राखेको छ । प्रधानन्यायाधीश चोलेन्द्रशमशेर जबराको राजीनामा माग गर्दै आएको बारले सोमबार पनि कालोपट्टी बाँधेर प्रदर्शन गरेका हुन् ।
विहान १० बजे भेला भएका कानून व्यवसायीहरुले पाखुरामा कालोपट्टी बाधेर बिरोध गरेका हुन् । काठमाडौं उपत्यकामा रहेका कानुन व्यवसायीलाई सहभागी हुन नेपाल बार एसोसियनले आइतबार नै एक विज्ञप्ती जारी गरेको थियो ।
बारले आन्दोलनका कार्यक्रमलाई निरन्तरता दिने निर्णय गरेको थियो । बारले आन्दोलनलाई थप कडा बनाउन देशभरिका बार इकाइसँग छलफल गर्ने र विरोधका कार्यक्रम यथावत राख्ने जनाएको छ ।
