-
-
-
-
काठमाडौँ । उपत्यकाको महत्त्वपूर्ण धार्मिक स्थल बुढानीलकण्ठ मन्दिरमा हरिबोधिनी एकादशीको अवसरमा मेला लाग्ने भएको छ ।
कात्तिक २७ देखि मङ्सिर ३ गतेसम्म हुने सो मेलाको तयारी र व्यवस्थापनका लागि उपसमिति गठन गरिएको बुढानीलकण्ठ नारायण मन्दिर व्यवस्थापन समितिका अध्यक्ष लक्ष्मण खड्काले बताए ।
शिवपुरी र खप्तड बाबाले तप गरेको पावन शिवपुरी पर्वत शृङ्खलाको काखमा रहेको पवित्र बुढानीलकण्ठ मन्दिरमा हरेक वर्ष लाग्ने गरेको सो मेला कोरोना महामारीको कारण रोकिएको थियो ।
खड्काले भने,“हामीले मेलाको लागि सबै प्रकारको तयारी गर्न समितिमार्फत सम्पूर्ण कार्य अगाडि बढाइसकेका छौ ।”
