-
-
-
-
काठमाडौँ । राष्ट्रपति विद्यादेवी भण्डारीको पहिलो विवरण सङ्कलन गर्दै बिहीबार वाट देशभर १२ औँ राष्ट्रिय जनगणना प्रारम्भ भएको छ ।
शीतल निवासस्थित राष्ट्रपति कार्यालयमा तथ्याङ्क विभागका गणकहरू पुगेर राष्ट्रपतिको पारिवारिक तथ्याङ्क सङ्कलन गरी राष्ट्रिय जनगणना-२०७८ को प्रारम्भ गरिएको हो ।
तथ्याङ्क विभागका महानिर्देशक नेबिनलाल श्रेष्ठले राष्ट्रपति भण्डारीको पहिलो तथ्याङ्क लिएर राष्ट्रिय जनगणना-२०७८ को औपचारिक शुभारम्भ गरिएको बताए।
उनका अनुसार राष्ट्रपतिलाई जनगणनाको तथ्याङ्कमा रहेका ८० वटा प्रश्न सोधिएको थियो ।
तथ्याङ्क विभागका अनुसार राष्ट्रपतिपछि बिहीबारै प्रधानमन्त्री शेरबहादुर देउवाको पारिवारिक तथ्याङ्क सङ्कलन गरिने छ । यसरी बिहीबार वाट देशभर राष्ट्रिय जनगणना-२०७८ सुरु भएको छ ।
