कांग्रेसको महाधिवेशनः कास्कीका ६ वटै क्षेत्रमा पौडेल पक्षको वर्चश्व
हाम्रा कुरा
प्रकाशित २०७८ मंसिर ५ आइतबार
391
Shares
पोखरा । नेपाली कांग्रेसको १४औं महाधिवेशन अन्तर्गत कास्कीका ६ वटै प्रदेशसभा निर्वाचन क्षेत्रमा निर्वाचन सम्पन्न भएको छ । ६ वटै निर्वाचन क्षेत्रका केही पदमा बाहेक अधिकांश मतदानबाटै छिनोफानो गरिएको हो । जसमा कांग्रेस वरिष्ठ नेता रामचन्द्र पौडेल पक्षले वर्चश्व कायम गरेको छ ।
६ वटै क्षेत्रका निर्वाचित सभापति पौडेल पक्षका छन् । १२ उपसभापति, १२ सचिव र १२ सहसचिवमध्ये अधिकांश पौडेल पक्षकै निर्वाचित भए ।
पार्टी सभापति देउवा पक्षबाट निर्वाचित हुने उपसभापति, सचिव, सहसचिव र प्रदेश अधिवेशन प्रतिनिधिहरु निकै परिचित अनुहार मात्रै छन् ।
यसैगरी ६ वटै क्षेत्रबाट निर्वाचित करिब ९० प्रतिशत प्रतिनिधि वरिष्ठ नेता पौडेल पक्षकै रहेको बताइएको छ । कास्कीका तीन वटा प्रतिनिधिसभा निर्वाचन क्षेत्रमा मंसिर ६ गते सोमबार निर्वाचन हुँदैछ ।
यो निर्वाचनले केन्द्रीय महाधिवेशन प्रतिनिधि चुन्ने भएकाले निकै महत्वका साथ हेरिएको छ ।
