-
-
-
-
नेपालगन्ज । नेपाली काँग्रेस बाँके प्रदेशसभा क्षेत्र १(क) को सभापतिमा लक्ष्मण थारु निर्वाचित भएका छन् ।
आइतवार भएको निर्वाचनबाट १२५ मतका साथ थारु सभापति निर्वाचित भएका हुन् । उनका प्रतिस्पर्धी जुगलाल चौधरीले ११४ मत पाएका छन् । पदाधिकारी सबैमा थारुकै प्यानल निर्वाचित भएको छ । थारु नेतृत्वको प्यानल संस्थापन समूह हो ।
उपसभापतिमा अम्बर बहादुर बुढाथोकी र मान बहादुर खड्का, सचिवमा गङ्गाराम थारु र भोला प्रसाद मौर्य तथा सहसचिवमा दिलावती थापा र बाबुराम कुर्मी विजयी भएका छन् । २५० मतदाता रहेको प्रदेशसभा क्षेत्र १ (क) मा २४४ मत खसेको थियो ।
