-
-
-
-
पोखरा । मुस्ताङको जोमसोमबाट म्याग्दीको बेनी आउँदै गरेका जिप दुर्घटनामा परेको छ ।
ग१ज ७७०३ नम्बरको जिप आज बिहान ५ बजे मुस्ताङको थासाङ गाउँपालिका-१ टुकुचे नजिकै भन्सिङ भन्ने स्थानमा दुर्घटनामा परेको हो ।
जिप सडकबाट करिब ३० मिटर तल खसेको गण्डकी प्रदेश प्रहरी कार्यालय पोखराले जनाएको छ ।
सो जिप दुर्घटनामा चालकसहित पाँच जना घाइते भएका छन् ।
घाइतेमध्ये दुई जना सैनिक उच्च शिखर शिक्षालय कैसाङ मुस्ताङमा कार्यरत कर्मचारी छन् ।
घाइते सबैलाई उपचारका लागि नेपाली सेनाको जहाजमार्फत काठमाडौँ लगिएको प्रहरी उपरीक्षक अरुण पौडेलले जानकारी दिए ।
