-
-
-
-
पोखरा । तनहुँमा आगलागी हुँदा एक घर जलेर नष्ट भएको छ ।
तनहुँ घिरिङ गाउँपालिका-२ तल्लो छानुङका रामबहादुर परियारको घर आगलागीबाट नष्ट भएको हो ।
गण्डकी प्रदेश प्रहरी कार्यालय पोखराका अनुसार परियारको ढुङ्गा र माटोले बनेको खरले छाएको एक तले कच्ची घरमा आगलागी भएको हो ।
आगलागी भएको सूचना प्राप्त हुनासाथ प्रहरी टोली खटिएर आगो नियन्त्रणमा लिइएको प्रहरी उपरीक्षक अरुण पौडेलले जानकारी दिए ।
आगलागीबाट करिब एक लाख रुपैयाँ बराबरको क्षति भएको उनले जानकारी दिए ।
