जुम्ला । जुम्लामा मंसिर १ गतेदेखि शुरु भएको जिल्ला अधिबेशन सहमति हुन नसकेपछि सोमबार बिहान ७बजे देखि मतदान जार छ । जिल्ला कार्यसमितिका विभिन्न पद र महाधिवेशन प्रतिनिधि चयनका लागि मतदान भएको हो।
पार्टी सभापति शेर बहादुर देउवा प्यानलको सभापतिमा कर्ण शाही, उपसभापतिमा नन्दराम बुढा र मकर हमाल, सचिबमा घनश्याम थापा र दान बहादुर बुढा सहित कार्यसमितिका सबै पदमा उम्मेदवार बनेका छन्। देउवा प्यानलको महाधिवेशन प्रतिनिधिमा संविधान सभाका सदस्य ललितजंग शाही सहित सबै प्रतिनिधिमा प्यानल सहित उम्मेदवारी दिएका छन्।
यसअघि प्रदेशसभा क्षेत्रीय अधिबेशनमा दुबै क्षेत्रबाट सबै पदमा प्यानल सहित विजयी भएको पौडेल पक्षबाट जिल्ला सभापतिमा दिप बहादुर शाही, उपसभापतिमा दिपक शाही र कर्मा बुढा, सचिबमा लक्ष्मण शाही र अर्जुनसिंह कठायतसहित जिल्ला कार्यसमितिका सबै पदमा प्यानल सहित उम्मेदवार बनेका छन्।
पौडेल पक्षको महाधिवेशन प्रतिनिधिमा कर्णाली प्रदेशका सांसद दिनबन्धु श्रेष्ठसहित सबै प्रतिनिधिमा उम्मेदवार बनेका छन्। यस अधिवेशनको प्रायजसो पदहरुमा युवाहरुको उम्मेदवारी भएकाले पूराना नेताहरु बिस्थापित हुने अनुमान गरिएको छ।
