कांग्रेस ललितपुर क्षेत्र नम्बर १ सभापतिमा सुन्दरमान थिङ विजयी
जिल्ला सभापतिका दुई प्रत्यासी महर्जन र घिमिरे सोही क्षेत्रबाट महाधिवेशन प्रतिनिधि निर्वाचित
हाम्रा कुरा
प्रकाशित २०७८ मंसिर ७ मंगलबार
819
Shares
काठमाडौं । नेपाली कांग्रेसको १४औं महाधिवेशन अन्तर्गत ललितपुर निर्वाचन क्षेत्र नं १ सभापतिमा सुन्दर मान थिङ निर्वाचित भएका छन् । थिङले ३५२ र उनका प्रतिद्वन्द्वी रामकृष्ण लामा (इन्द्र)ले २४६ मत पाए ।
सचिवमा मथुरा प्रसाद शर्मा र शेखर न्यौपाने बिजयी भए । शर्माले ४१७ मत र न्यौपानेले ३९० मत पाए भने पराजित उम्मेदवार राजकुमार चौलागाईले १९९ र कृष्णकुमार थापाले १५९ मत पाए ।
सहसचिवमा बिजय कुमार लोले ३९७ मत र मनोहर सिलवालले ३७७ प्राप्त गरी विजयी भए । पराजित उम्मेदवार प्रकाश तिमल्सिनाले १९६ मत बद्री प्रसाद ढोडारीले १८८ मत पाए ।
त्यस्तै सोही क्षेत्रबाट ललितपुर जिल्ला सभापतिका प्रत्यासी मीनकृष्ण महर्जन र मथुराप्रसाद घिमिरे पनि सोही क्षेत्रबाट महाधिवेशन प्रतिनिधि विजयी भएका छन् । पूर्वराज्यमन्त्री उदयशमशेर राणा पनि क्षेत्र नम्बर १ बाटै महाधिवेशन प्रतिनिधिमा निर्वाचित भएका छन् ।
