गण्डकी प्रदेशलाई पराजित गर्दै लुम्बिनीको सुखद सुरुआत
रासस,
प्रकाशित २०७८ मंसिर ७ मंगलबार
255
Shares
काठमाडौँ । राजधानीमा मङ्गलवारदेखि सुरु भएको यु–१९ राष्ट्रिय क्रिकेट प्रतियोगितामा लुम्बिनी प्रदेशले गण्डकी प्रदेशलाई पराजित गर्दै सुखद सुरुआत गरेको छ । मूलपानीस्थित माथिल्लो मूल पानी क्रिकेट मैदानमा भएको खेलमा लुम्बिनीले गण्डकी प्रदेशलाई नौ विकेटले पराजित गर्दै प्रतियोगितामा सुखद सुरुआत गरेको हो ।
टस जितेर पहिला ब्याटिङ गरेको गण्डकी १४.२ ओभरमा जम्मा २३ रनमा समेटियो । गण्डकीका सात खेलाडीले खाता खोल्न सकेनन् । गण्डकीका अर्जुन कुमालले १७ बलमा १ चौकासहित सर्वाधिक ६ रन बनाए ।
त्यस्तै विष्णु पाण्डे ५ तथा सचिनराज अधिकारीले २ रन बनाए । बलिङतर्फ तीव्र गतिका बलर मोहम्मद हसैनले ७ ओभरमा १ मेडनसहित १४ रन खर्चेर ७ विकेट लिए । त्यस्तै दुर्गेश गुप्ता र वासिर अहमदले एक एक विकेट हात पारे ।
२४ रनको विजयी लक्ष्य पछ्याएको लुम्बिनीले ५ दशमलव ५ ओभरमा १ विकेट गुमाउँदै पूरा गर्यो । लुम्बिनीका कप्तान देव खनालले २० बलमा ४ चौकासहित सर्वाधिक १७ रन बनाए ।् विराट भण्डारी ८ रनमा अविजित रहे ।
लुम्बिनीले दोस्रो खेलमा बुधवार कर्णालीसँग कीर्तिपुरस्थित त्रिवि मैदानमा खेल्नेछ । बुधबार नै हुने अर्को खेल मूल पानीमा गण्डकी प्रदेशले वाग्मती प्रदेशसँग खेल्नेछ
