-
-
-
-
रोल्पा । किशोरबहादुर आचार्य नेपाली कांग्रेस रोल्पाको जिल्ला सभापतिमा निर्वाचित भएका छन् । उनी संस्थापन इतर (रामचन्द्र पौडेल निकटका) मा मानिन्छन् । उनले संस्थापन समूहका मानबहादुर खत्रीलाई पराजित गरे । आचार्यले ५०२ मत ल्याउँदा खत्रीले ४४० मत ल्याए ।
त्यसैगरी उपसभापतिमा हरिबहादुर पुन र कविता उपाध्याय र विजयी भएका छन् । पुनले ५०४ तथा उपाध्यायले ४७५ मत ल्याए । सचिवमा तिलबहादुर बुढाथोकी र शेरबहादुर थापा विजयी भएका छन् ।
त्यस्तै सहसचिवमा गन्जबहादुर क्षेत्री र सुनिलकुमार वली विजयी भएको रोल्पा कांग्रेसले जनाएको छ ।
