-
-
-
-
कावासोती । नेपाली काँग्रेस नवलपुर क्षेत्र नं १ को सभापतिमा अमृत भट्टचन विजयी भएका छन् । भट्टचनले कमलप्रसाद पराजुलीलाई २ सय २३ मतान्तरले पछाडि पार्दै आगामी कार्यकालका लागि सभापतिमा निर्वाचित भएका हुन् ।
भट्टचनले ६ सय ७० मत ल्याउँदा पराजुलीको पक्षमा ४ सय ४७ मत परेको हो । भट्टचन रामचन्द्र पौडेल निकट महेन्द्रध्वज जिसी प्यानलबाट र पराजुली डा. शशाङ्क कोइरालाको प्यानलबाट निर्वाचनमा होमिएका थिए ।
यस्तै, २-२ पद रहेको सचिव सह-सचिवमा भने मिश्रित परिणाम आएको छ । सचिवमा अमृत श्रेष्ठ र शालिकराम सापकोटा विजयी भएका छन् । श्रेष्ठ कोइराला र सापकोटा जिसी प्यानलबाट सचिवमा निर्वाचित भएका छन् ।
सहसचिवमा पनि दुवै प्यानलबाट एक-एक जना आएका छन् । जिसी प्यानलका टीकाराम सापकोटा र कोइराला प्यानलका तेजप्रसाद घिमिरे सह सचिवमा निर्वाचित भएका छन् ।
२२ सदस्यीय कार्य समितिको सदस्यहरूमा मिश्रित परिणाम आएको छ ।
