प्रतिनिधि सभा सदस्य बिष्ट गोलाप्रथाबाट महाधिवेशन प्रतिनिधिमा पराजित
अस्पताल शैयामा रहेका शाहले जिते
हाम्रा कुरा
प्रकाशित २०७८ मंसिर ९ बिहिबार
359
Shares
अछाम । प्रतिनिधि सभा सदस्य राम बहादुर बिष्ट नेपाली कांग्रेसको महाधिवेशन प्रतिनिधिमा पराजित भएका छन् ।
महाधिवेशन प्रतिनिधि खुल्ला पदका उम्मेद्धार रहेका कांग्रेसका पुराना नेता एवंम प्रतिनिधि सभा सदस्य रहेका बिष्ट पराजित भएका हुन् ।
उनको र कांग्रेस अछाम क्षेत्र नं.२ का निर्वतमान क्षेत्रीय सभापति लक्ष्मण बहादुर शाहको बराबरी मत आएपछि गोलाप्रथा भएको थियो । गोलाप्रथाबाट शाहले बाजी मारेपछि बिष्ट पराजित भए । बिरामी भएर काठमाडौंमा अस्पतालको शैयामा रहेका शाहले अछाममा बाजी मारेका हुन् ।
उनले ३ सय ८७ मतका साथ खुल्ला महाधिबेशन प्रतिनिधिमा जित हासिल गरे । शाह र बिष्टको बराबर मत आउँदा शाहले गोलाप्रथाबाट जित हासिल गरेका हुन् । बिष्ट र शाहले बराबरी ३ सय ८७ मत प्राप्त गरेका थिए ।
