-
-
-
-
बुटवल । नेपाली कांग्रेसको १४औं महाधिवेशन अन्तर्गत रुपन्देही क्षेत्र नम्बर ३ को अधिवेशनमा संस्थापन समूहका सुशील गुरुङको प्यानल विजयी भएको छ । सभापतिमा उम्मेदवारी दिएका गुरुङले ३७७ मत ल्याए ।
उनका निकटतम प्रतिस्पर्धी मातृकाप्रसाद यादवले २४२ मत ल्याए । अर्का उम्मेदवार महेन्द्रप्रसाद यादवले भने ४ मत मात्रै ल्याए ।
सचिव पदमा ४ जनाले उम्मेदवारी दिएकामा गुरुङ प्यानलकै भवानीप्रसाद शर्मा विजयी भए । उनले ३७६ मत ल्याए ।
सहसचिवमा कुलप्रसाद न्यौपाने र प्रेम सागर थारु विजयी भए ।
महाधिवेशन प्रतिनिधिमा पनि संस्थापन प्यानलले वर्चश्व राखेको छ ।
