-
-
-
-
पोखरा । नेपाली कांग्रेसका नेता जीवन परियारले पार्टीको सहमहामन्त्री पदमा उम्मेदवारी घोषणा गरेका छन् । पार्टीको १४औं महाधिवेशनमा सामाजिक सञ्जाल फेसबुकमार्फत उनले उम्मेदवारी घोषणा गरेका हुन् ।
कास्कीमा जन्मिएका नेता परियार संविधानसभा सदस्य पनि हुन् । उनी २०६७ देखि पार्टीको केन्द्रीय सदस्य बनेर केन्द्रीय राजनीतिकमा सक्रिय छन् ।
कांग्रेसको विभिन्न तह र तप्कामा रहेको आफूले लामो समयदेखि काम गरिरहेको उनले बताए । आफू सहमहामन्त्री बनेर नेपाली कांग्रेसलाई अझ जनप्रिय, सशक्त र बलियो बनाउन भूमिका खेल्ने उनले स्पष्ट पारे ।
