-
-
-
-
बाँके। नेपाली काँग्रेस बाँके सङ्घीय निर्वाचन क्षेत्र नम्बर १ को सभापतिमा पोषण केसी निर्वाचित भएका छन्। मतगणनाको अन्तिम परिणाम अनुसार पोषण केसीले माधवराम खत्रीलाई ४७ मतान्तरले हराएका हुन्। ६०१ मतमा केसीले ३१६ र माधवराम खत्रीले २६९ मत पाएका छन्। सचिवमा केसी प्यानलबाट खुम बहादुर बस्नेत र खत्री प्यानलबाट जयश्वर पौडेल तथा सहसचिवमा खत्री प्यानलबाट दीपेन्द्र उप्रेती र केसी प्यानलबाट रामबहादुर रावत निर्वाचित भएका छन्।
क्षेत्रीय कार्यसमिति र महाधिवेशन प्रतिनिधि चुन्न हिजो भएको मतदानमा ६०१ मत खसेको थियो। ६०५ जना मतदाता मध्ये ४ जना अनुपस्थित रहे। निर्वाचनमा पोषण केसी र माधवराम खत्री नेतृत्वका दुई प्यानल चुनावी प्रतिस्पर्धामा थियो।
