पोखरा । नेपाली कांग्रेस कास्कीको महाधिवेशन रोचक बन्दै गएको छ । पहिलो चरणमा कसैले पनि बहुमत ल्याउन नसकेपछि आज पुनः मतदान हुँदैछ ।
आजको चुनावमा नेता किशोरदत्त बराल र सुदीपमोहन भट्टराईबीच प्रतिस्पर्धा हुँदैछ ।
शुक्रबारको प्रतिस्पर्धामा पाँच जना उम्मेदवार थिए । पहिलो चरणको चुनावबाट तीन जना अध्यक्षका उम्मेदवार बाहिरिएका छन् । आइबहादुर गुरुङ, पोषनाथ शर्मा र गिरीराज गौतम बाहिरिएका हुन् ।
यद्यपि पहिलो चरणबाट बाहिरिएका तीन जनाको समर्थन एकै ठाउँमा हुने भएको छ । उनीहरुले आज एक विज्ञप्ति प्रकाशित गरि आफूहरु तीन जनाकै समर्थन उम्मेदवार सुदीप मोहन भट्ट्राईलाई रहेको स्पष्ट पारेका छन् ।
योसंगै कास्की कांग्रेसको चुनावी माहोल रोचक बनेको छ । पहिलो चरणमा सबैभन्दा धेरै मत प्राप्त गरेका किरोदत्त बराल एक्ला बनेका छन् ।
पहिलो चरणमा बरालले ६४४ मत प्राप्त गर्दा भट्टराईले ४७२ मत प्राप्त गरेका थिए । योसंगै भट्टराई कास्की कांग्रेसको सभापति बन्ने सम्भावना बढेको छ ।
