-
-
-
-
नेपालगन्ज । नेपाली कांग्रेस बाँके क्षेत्र नम्बर २ को सभापतिमा रमेश कुमार गुप्ता निर्वाचित भएका छन् ।
शनिबार सम्पन्न मतगणनामा गुप्ताले विरेन्द्र बहादुर शाहलाई ४८ मतान्तरले हराएका हुन् । गुप्ताले २३९ मत र शाहले १९१ मत पाए । सचिव र सहसचिवमा पनि गुप्ता प्यानलकै उम्मेदवार निर्वाचित भएका छन् ।
सचिवमा सुनिलसिंह हमाल २६२ र प्रदिप साहु २५० तथा सहसचिवमा तरुण बज्राचार्य २७१ र सब्बिर खाँ २१८ मतका साथ विजयी भएका छन् । क्षेत्र नम्बर २ मा ४५१ मत मध्ये ४४० मत खसेको थियो ।
