-
-
-
-
काठमाडौं । नेपाली कांग्रेसको १४ औं महाधिवेशन अन्तर्गत गुल्मी जिल्लाको अधिवेशनले खिलध्वज पन्थीलाई सभापतिमा निर्वाचित गरेको छ । पन्थीले एक हजार २७१ मत ल्याए । उनका प्रतिस्पर्धी बेदबहादुर थापा मगरले ३८४ मत मात्रै ल्याए ।
पन्थी संस्थापन इतर पक्षका हुन् । उनी रामचन्द्र पौडेल पक्षका हुन् । पराजित थापा संस्थापन पक्षका हुन् । पन्थी यसअघि जिल्ला कार्यसमिति सचिव थिए । थापा भने महाधिवेशन प्रतिनिधि मात्रै हुन् ।
उपसभापतिमा अनन्तराम पौडेल र शिवबहादुर खत्री विजयी भएका छन् । सचिवमा जगदीश भट्टराई र भगतसिंह खड्का विजयी भए । सहसचिवमा छविलाल पाण्डे र धर्मराज पाण्डे निर्वाचित भए ।
