सुदूरपश्चिम प्रदेशमा इतर समूहले मिश्रको नेतृत्वमा प्यानल बनायो, संस्थापनको बाँकी

दीपेन्द्र बस्नेत,

प्रकाशित २०७८ मंसिर १७ शुक्रबार

धनगढी । नेपाली कांग्रेसको १४ औं महाधिवेशन अन्तर्गत सुदूरपश्चिम प्रदेश अधिवेशनमा इतर समूहले आफ्नो उम्मेदवारहरुको प्यानल सार्वजनिक गरेको छ । नेपाली कांग्रेस इतर समूह पौडेल पक्षले सभापतिमा कैलालीका नारायण मिश्र, उपसभापतिमा कञ्चनपुरका गोपाल गुरुङ, बाजुराका मानबहादुर रावल, महामन्त्रीमा बझाङका प्रताप गुर्दामी र अछामका रामबहादुर शाही सहितको प्यानल खडा गरेको छ ।

इतर समूहले सहमहामन्त्रीमा दार्चुलाका पदमराज पन्त र बैतडीका नरेन्द्र भट्टलाई उम्मेदवार बनाएको हो । संस्थापन पक्षमा सभापतिका आकांक्षी धेरै भएपछि उम्मेदवार छनोटमा सकस परेको छ ।