-
-
-
-
सर्लाही । नेपाली कांग्रेसका सांसद अमरेशकुमार सिंह पार्टीको १४ औं महाधिवेशन प्रतिनिधि बन्न असफल भएका छन् । हिजो भएको महाधिवेशन प्रतिनिधिको निर्वाचनमा उनी पराजित भएका हुन् ।
सर्लाही निर्वाचन क्षेत्र नम्बर ४ का सांसद सिंहले २४८ मतमात्र पाए । पुरुष खुलाबाट उनी महाधिवेशन प्रतिनिधिका लागि भिडेका थिए ।
उनी कांग्रेसको संस्थापन इतरका हुन् । उनले सभापति शेरबहादुर देउवाले वडा अधिवेशनदेखि नै हस्तक्षेप गरेको आरोप लगाउँदै आएका थिए । उनी संस्थापन इतरमा रामचन्द्र पौडेल पक्षका नेता हुन् ।
माओवादी शान्ति प्रक्रियामा आउँदा मनोनयनमा परेर सांसद बनेका सिंह पहिलो संविधान सभाको चुनावमा महन्थ ठाकुरसँग पराजित भएका थिए ।
उनी दोस्रो संविधानसभा र २०७४ सालको प्रतिनिधिसभा निर्वाचनमा विजयी भएका थिए ।
