प्रदेश २ सहित सात प्रदेशका ७६ जिल्लाबाट को को बने महाधिवेशन प्रतिनिधि? (हेर्नुस् प्रारम्भिक सूची)
हाम्रा कुरा
प्रकाशित २०७८ मंसिर २२ बुधबार
721
Shares
काठमाडौं। नेपाली कांग्रेसले १४औं महाधिवेशनका लागि महाधिवेशन प्रतिनिधिहरु प्रारम्भिक सूची निकालेको छ। कांग्रेसको केन्द्रीय निर्वाचन समितिले बुधबार विहान ४ हजार ३१९ जना महाधिवेशन प्रतिनिधिहरुको प्रारम्भिक नामावली सहितको सूची निकालेको हो।
प्रकाशित सूचीमा प्रदेश २ का सात वटा जिल्लाबाट चुनिएका प्रतिनिधिहरुको नाम समेत समावेश छ। तर महोत्तरी ३ र सर्लाहीका चार वटै क्षेत्रको नामावली भने सो सूचीमा समावेश छैन। यस्तै सूचीमा अन्य छ प्रदेशका विभिन्न जिल्लाबाट चुनिएका प्रतिनिधिहरूकाे पनि नाम छ ।
निर्वाचन समितिका सचिव जगन्नाथ श्रेष्ठले सर्लाही र महोत्तरीको प्रतिनिधिको सूची पनि अपडेट गर्दै जाने बताए। उनले सर्लाहीमासमेत अधिवेशन सकिसकेको र नामावली प्राप्त हुने क्रममा रहेको जानकारी दिएका हुन्।
प्रकाशित सूचीमा जनसम्पर्क समिति र भ्रातृ तथा शुभेच्छुक संघसंस्थाका प्रतिनिधिहरुको नाम भने समावेश छैन।
