कांग्रेस केन्द्रीय सदस्यमा नानु बाँस्तोलाले गरिन् उम्मेदवारी घोषणा

हाम्रा कुरा

प्रकाशित २०७८ मंसिर २४ शुक्रबार

काठमाडौं । नेपाली कांग्रेसको विभिन्न इकाइहरुमा बसेर सक्रिय राजनीति गर्दै आएकी नानु बाँस्तोलाले कांग्रेसको केन्द्रीय सदस्य पदमा उम्मेदवारी घोषणा गरेकी छिन् । शुक्रबारबाट शुरु भएको नेपाली कांग्रेसको १४औं महाधिवेशनमार्फत केन्द्रीय सदस्य पदमा विजयी बनेर आफ्नो भूमिकालाई अझ शसक्त बनाउने बताइन् ।

नेविसंघ र महिला संघको केन्द्रीय सदस्य बनेर खेलेको भूमिका र पार्टीको निती तथा प्रशिक्षण प्रतिष्ठानमा बसेर गरेको कामलाई प्रतिनिधिहरुले उचित मूल्याकंन गर्नेमा उनी विश्वस्त छिन् । गान्धीवादको अध्येता समेत रहेकी उनी शान्ति र अहिंसाको प्रवद्र्धन, महिला अधिकार, नागरिक तथा अभिव्यक्ति स्वतन्त्रताका लागि तीन दशकदेखि क्रियाशील छिन् ।

पार्टीले अघि बढाएका देशब्यापी आन्दोलन, नीति तथा कार्यक्रम, लोकतन्त्रको प्रवद्र्धन, कार्यकर्ताहरुलाई प्रशिक्षणमा बाँस्तोलाले सक्रिय भूमिका निर्वाह गर्दै आइरहेकी छन् ।