आगामी चुनावमा कांग्रेसलाई विजयी बनाउनु नै महाधिवेशनको सार्थकता र सफलता हो

आगामी चुनावमा कांग्रेसलाई विजयी बनाउनु नै महाधिवेशनको सार्थकता र सफलता हो –विमलेन्द्र निधी

हाम्रा कुरा

प्रकाशित २०७८ मंसिर २४ शुक्रबार

काठमाडौं । नेपाली कांग्रेसका उपसभापति विमलेन्द्र निधीले कांग्रेसले गरेका तीन वटा उपलब्धिको चर्चा गरेका छन् । पार्टीको १४ औं महाधिवशेनको उद्घाटन सत्रमा बोल्दै उनले भने, ‘हिंसात्मक द्धन्द्धबाट शान्तिमा पुर्याएका छौँ, संघीय लोकतान्त्रिक प्रणाली हामीले निर्माण गरेका छौँ । नेपाली जनताको संविधान हामी आफैले बनाएका छौँ ।’

उनले अगाडि भने, ‘यी तीनवटा ऐतिहासिक उपलब्धि भएको छ । यो नेपाली कांग्रेसको नेतृत्व, अगुवाई, दूरदर्शी र कुशल व्यवस्थाबाट भएको छ । यसलाई आत्मसात र सम्प्रेषण पनि गर्नुपर्छ ।’

निधीले भने, ‘परिवर्तन कस्तो भयो, संघीय लोकतान्त्रिक प्रणाली हामीले बनायौँ, संविधान बनायौँ । १४ औं महाधिवेशन सम्पन्न भएपछि तीनै तहको निर्वाचन देशमा आउँदैछ । हामीले महाधिवेशनबाट एकता भएर सदृढ भएर निस्किसकेपछि हाम्रो अगाडि यो महत्वपूर्ण जिम्मेवारी हो । आगामी जिम्मेवारीमा नेपाली कांग्रेसको एकमना सरकार बनाउनु सबै तहमा नेपाली जनताले, कांग्रेसका साथीहरुले हामीले देशमा नेपाली कांग्रेसको सरकार बनाउन चाहन्छौँ ।’