-
-
-
-
काठमाडौं । नेपाली कांग्रेसको १४औं महाधिवेशन भृकुटीमन्डपमा जारी छ । शनिबार उम्मेदवारी मनोनयन दर्ता गराएर उम्मेदवारहरु भोट माग्न ब्यस्त छन् । एक उम्मेदवारले अर्को उम्मेदवारलाई भोट मागेका दृश्य र कुराकानी चुनावी माहोल निकै रोमान्चक पनि बनाएको छ ।
आइतबार विहान सभापतिका उम्मेदवार प्रकाशमान सिंह र केन्द्रीय सदस्यकी उम्मेदवार डा.आरजू राणा देउवाबीच एक आपसमा भोट मागेको विषयले कार्यकर्ताले रोचक मानेका छन् ।
प्रकाशमान साथमै रहेका एक कार्यकर्ताले भने,‘दाइ बसिरहेको ठाउँमा आरजु भाउजू आउनु भो र आफूलाई भोट माग्दै रमाइलो कुराकानी गर्नुभयो । एकछिन ठट्टा र हासीमजाक पनि गर्नुभयो । माहोल निकै रमाइलो थियो ।’
सभापतिका उम्मेदवार शेरबहादुर देउवाकी धर्मपत्नी डा.राणा यतिबेला भोट माग्न ब्यस्त छिन् । आफ्ना शुभेच्छुकहरुको साथ लिएर उनी केन्द्रीय सदस्य पदका लागि भोट मागिरहेकी छन् । साथै उनले सभापतिमा देउवालाई भोट मागेकी छन् ।
