-
-
-
-
काठमाडौं । नेपाली कांग्रेसको १४औं महाधिवेशन अन्तर्गत सोमबार साँझ मतपत्र सकिएर रोकिएको मतदान पुनः शुरु भएको छ। मतपत्र सकिएको भन्दै निर्वाचन समितिले केहीबेरका लागि मतदान रोकेको थियो ।
मतदान रोकिएपछि लामो समयदेखि लाइनमा बसेका मतदाताहरु आक्रोशित बनेका थिए भने मतदानस्थल भृकुटीमण्डप र राष्ट्रिय सभागृहमा नारावाजी समेत गरेका थिए ।
निर्वाचन समितिका एक सदस्यले भने तीन हजार मतपत्र ल्याइएकोमा बाँढेर सकिएको र फेरी प्रेसबाट ल्याएर निर्वाचन अधिकृतको हस्ताक्षर गरिंदै गरेकाले केही ढिलाइ भएको जानकारी दिए ।
नयाँ कार्यसमिति चयनका लागि आज दिउँसो १२ बजेदेखि मतदान सुरु भएको थियो। राष्ट्रिय सभा गृहमा एक र भृकुटीमण्डपमा दुई गरी तीनवटा मतदान केन्द्रमा मतदान भइरहेको छ।
