-
-
-
-
काठमाडौं । नेपाली कांग्रेसको नयाँ सभापति चयनका लागि भएको चुनावको मतपरिणाम आउने क्रम जारी छ । अहिलेसम्म प्राप्त मतगणनाको परिणामअनुसार सभापतिमा शेरबहादुर देउवाले अग्रता बनाएका छन् ।
१३ सय ६ मत गन्दा देउवाले ६२६ मत पाएका छन् । डा. शेखर कोइरालाले ४८२ मत, प्रकाशमान सिंहले १०२ मत, विमलेन्द्र निधीले ७५ तथा कल्याण गुरुङ्गले ४ मत पाएका छन् ।
आज बिहान पौने ४ बजेदेखि मतगणना शुरु भएको हो ।
कूल ४ हजार ७ सय ४३ मतदातामध्ये ४ हजार ६ सय ७९ मत खसेको थियो ।
सभापतिका लागि पाँच जना मैदानमा छन् । पहिलो चरणमा टुङ्गो नलागे दोस््रो चरणमा जानेछ ।
