-
-
-
-
काठमडौं। नेपाली कांग्रेसको १४औँ महाधिवेशनअन्तर्गत सभापति पदका लागि मङ्गलबार भएको पुनः मतदानको मतगणनामा सभापतिका उम्मेदवार शेरबहादुर देउवा र डा शेखर कोइरालाबीचको अन्तर थप फराकिलो हुदै गएको छ।
राष्ट्रिय सभागृहमा जारी मतगणनामा अहिलेसम्म ३ हजार ३ सय ९८ मत गनिएको छ। यस क्रममा सभापतिका उम्मेदवार शेरबहादुर देउवाले अग्रता लिएका छन्।
सभापतिका उम्मेदवार देउवालाई १९८४ मत प्राप्त भएको छ भने उनका प्रतिद्वन्द्वी डा शेखर कोइरालाले एक हजार १३०९ मत प्राप्त गरेको नेपाली कांग्रेसको केन्द्रीय निर्वाचन समितिले जनाएको छ। त्यस्तै २५ मत बदर भएको पनि सो समितिले जनाएको छ।
