देउवालाई बधाईको ओइरो, विनोद चौधरी भन्छन्– कांग्रेसले आर्थिक क्रान्तिको अभिभारा पूरा गर्न सकोस्

हाम्रा कुरा

प्रकाशित २०७८ मंसिर २९ बुधबार

काठमाडौं । दोस्रो पटक नेपाली कांग्रेसको सभापतिमा निर्वाचित भएपछि शेरबहादुर देउवालाई बधाई तथा शुभकामनाको ओइरो लागेको छ । सोही क्रममा कांग्रेस सांसद, कांग्रेस केन्द्रीय सदस्यका उम्मेदवार एवं नेपालको प्रतिष्ठित औद्योगिक घरानियाँ चौधरी ग्रुपका अध्यक्ष विनोद चौधरीले पनि बधाईसहित अबको कार्यकालमा देशको आर्थिक पाटो सुदृढ भएको देख्न चाहेको कामना गरेका छन् ।

बधाई सन्देश सामाजिक संजाल ट्वीटरमा उनले ‘नेपाली कांग्रेसको गरिमामय सभापतिमा पुनः निर्वाचित सम्माननीय ज्यूलाई हार्दिक बधाई !’ लेखेका छन् । लगानी पूर्वाधार र रोजगारः दृष्टिकोण एवम् दिगो परियोजना केन्द्रीत विशेष समितिका संयोजक चौधरीले ‘यहाँको कुशल नेतृत्वमा नेपाली कांग्रेसले आर्थिक क्रान्तिको अभिभारा पूरा गर्न सकोस्, मेरो शुभकामना !’ लेखेका छन् ।