-
-
-
-
काठमाडौं । नेपाली कांग्रेसको १४औं महाधिवेशन अन्तर्गत सहमहामन्त्रीको मत गणना जारी छ । आदिवासी जनजाती, महिला र दलिततर्फ गणना भइरहेको छ ।
आदिवासी जनजातितर्फ भीष्मराज आङदेम्बेले अग्रता लिएका छन् । दुई हजार ८७३ मत गणना हुँदा उनले १६६० मत ल्याएका छन् ।
त्यस्तै विकाश लामाले ११६९ मत ल्याएका छन् । त्यस्तै महिलातर्फ महालक्ष्मी उपाध्यय‘डिना’ले अग्रता लिएकी छन् । तीन हजार मत गणना हुँदा उनले १६५२ मत ल्याएकी छन् । कमला पन्तले भने १३२६ मत ल्याएकी छन् ।
दलिततर्फ मानबहादुर विश्वकर्माले अग्रता लिएका छन् । जीवन परियार उनलाई पछ्याउँदैछन् । एक हजार ७८० मत गणना हुँदा विश्वकर्माले ८३९ मत ल्याएका छन् । परियारले ८३१ मत ल्याएका छन् ।
