केन्द्रीय सदस्य खुला महिलातर्फको मतगणना जारी, १६ सय मत गन्दा को कहाँ ?
हाम्रा कुरा
प्रकाशित २०७८ पुष ५ सोमबार
708
Shares
काठमाडौं । नेपाली कांग्रेसको १४ औं महाधिवेशन अन्तर्गत खुलातर्फको महिला केन्द्रीय सदस्यको मतगणना जारी छ । हिजो साँझदेखि मतगणना शुरु भए पनि बीचमा स्थगित भई आज बिहानदेखि मात्रै पुनः गन्न थालिएको छ ।
१६ सय मत गन्दा खुलातर्फको महिला केन्द्रीय सदस्यमा सबैभन्दा अगाडि डा. डिला संग्रौला छिन् । पुष्पा भुषाल दोस्रो तथा प्रधानमन्त्री एवं कांग्रेस सभापति शेरबहादुर देउवा पत्नी डा. आरजू राणा देउवा तेस्रो नम्बरमा छिन् ।
संग्रौलाले एक हजार १४, दोस्रो स्थानमा रहेकी पुष्पा भुषालले ९७०, आरजूले ९०१, चौथो स्थानमा रहेकी अम्बिका बस्नेतले ८११, पाँचौं स्थानमा रहेकी ईश्वरी न्यौपानेले ७८६ र छैटौं स्थानमा रहेकी सरिता प्रसाईले ७६८ मत पाएकी छिन् ।
खुला ९ जनाको लागि ३० जना उम्मेदवारबीच भिडन्त भइरहेको छ । जसमा अकला गुरुङ, अनिता देवकोटा, अम्बिका सुवेदी, आम्बिका शर्मा लामिछाने, अम्बिका बस्नेत, डा. आरजू राणा देउवा, ईश्वरी न्यौपाने, उमा दाहाल, उषाकुमारी राउत, कल्पना अधिकारी, किरण कोइराला र गौरीकुमारी श्रेष्ठ रहेका छन् ।
