-
-
-
-
तनहुँ । तनहुँको व्यास नगरपालिका वडा नं. ९ स्थित कवाडी खोलाको किनारमा नवजात शिशु मृत अवस्थामा फेला परेका छन् । मंगलबार दिउँसो मृत शिशु मृत भेटिएका हुन् । शिशुको देब्रेपट्टिको खुट्टा र पेटका केही भाग वन्यजन्तुले खाएको अवस्थामा भेटिएको हो ।
शिशु जंगली जनावरको शिकार भएको हुनसक्ने प्रहरीको अनुमान छ । शिशु मृत अवस्थामा देखेपछि स्थानीयले प्रहरीलाई खबर गरेका थिए । त्यसपछि प्रहरी घटनास्थल पुगेको थियो ।
प्रहरी टोलीले स्थलगत सर्जमिन गरेर शिशुको शव दमौली अस्पतालमा राखिएको जिल्ला प्रहरी कार्यालय तनहुँले जनाएको छ ।
शिशुको पहिचान कार्य अघि बढाइएको प्रहरीले जनाएको छ ।
