पत्रकार बस्नेतको उपन्यास महाभारा सार्वजनिक

हाम्रा कुरा

प्रकाशित २०७८ पुष २५ आइतबार

काठमाडौं । पत्रकार बसन्त बस्नेतको दोस्रो कृति सार्वजनिक भएको छ । शनिबार राजधानीमा आयोजित कार्यक्रममा उनको औपन्यासिक कृति ‘महाभारा’ सार्वजनिक गरिएको हो । कृतिको बस्नेतकी छोरी अनुदिताले लोकार्पण गरिन् ।

उपेन्द्र सुब्बाका अनुसार युद्धको क्रूर समयमा हुर्केको सुन्दर प्रेम कथा नै महाभारा हो । पुस्तकबारे टिप्पणी गर्दै उनले कार्यक्रममा भने, ‘मलाई त यस्तो लाग्छ, यो पहरामा फुलेको अम्लारी फुङ (सुनाखरी फूल) हो ।’ कार्यक्रममा लेखक बस्नेतसँग पत्रकार एवं लेखक शिवानीसिंह थारुले संवाद गरिन् ।

संवादमा थारुले पुस्तक लेखनदेखि यसका पात्रहरूको मनोविज्ञानका विविध पक्षमा आधारित रहेर बस्नेतसँग संवाद गरेकी थिइन् । नेपाली भाषालाई लिम्बू लबजको व्याकरणमा मिलाएर लेखिनु नै यो उपन्यासको सबल पक्ष रहेको थारुले बताइन् ।