-
-
-
-
काठमाडौं । प्रधानसेनापति प्रभुराम शर्मा स्वदेश फर्किएका छन् । उनी भारतमा उपचार गरी स्वदेश फर्केका हुन् । उनी गत पुस १८ गते भारत गएका थिए ।
मन्त्रिपरिषद्को निर्णय बमोजिम उनी १३ दिन बिदामा रहेका थिए । सोही क्रममा उनी पुस १८ मा गएर आज फर्केका हुन् । फर्के लगत्तै उनले कार्यभारसमेत सम्हालेका छन् ।
यसअघि अस्वस्थ्यताका कारण उनले तीन पटक महत्वपूर्ण कार्यक्रमहरुमा सहभागिता जनाएका थिएनन् । उनले पुस ३० गतेसम्म बिदा लिएको भए पनि तीन दिन अगावै कार्यभार सम्हालेका हुन् ।
उनी बिदा लिएर व्यक्तिगत रुपमा स्वास्थ्य परीक्षणको लागि भारत गएका थिए । उनको स्वास्थ्यबारे भने गोप्य राखिएको छ । शर्मा तीन वर्षका लागि गत भदौ २४ गते प्रधानसेनापति नियुक्त भएका थिए ।
