-
-
-
-
नवलपुर । चितवन राष्ट्रिय निकुञ्जको मुख्यालय कसरा नजिकै ध्रुवे हात्तीले आक्रमण गर्दा एक सैनिकको मृत्यु भएको छ । निकुञ्ज सुरक्षार्थ खटिएको खड्गदल गाणमा कार्यरत अमल्दार गुप्तबहादुर थापाको हात्तीको आक्रमणबाट मृत्यु भएको हो ।
निकुञ्जका सूचना अधिकारी गणेश तिवारीका अनुसार निकुञ्जको ध्रुवे पोस्ट नजिकै गस्तीमा हिँडिरहेको बेला ध्रुवे हात्तीले ढाडमा कुल्चिदा गम्भीर घाइते भएका थापाको निधन भएको छ ।
हात्तीले ढाडमा कुल्चिएर गम्भीर घाइतेको उपचारको लागि भरतपुर तर्फ ल्याउँदै गर्दा बाटोमा ज्यान गएको तिवारीले बताए ।
