काठमाडौं । नेपालमा फैलिरहेको कोभिड-१९ संक्रमण नेपालका राजनीतिका शीर्ष नेहरुमा पनि देखा पर्न थालेको छ । पछिल्लो समय नेपाली कांग्रेसमा महामन्त्री, नेकपा माओवादीका अध्यक्ष लगायतका थुप्रै नेताहरूमा कोरोना संक्रमण देखिएको थियो ।
हालै नेकपा एमालेका अध्यक्ष केपी शर्मा ओली पनि कोरोना संक्रमित बनेका छन् । शनिवार गरिएको एन्टिजेन परीक्षणमा अध्यक्ष ओलीमा कोरोना पोजेटिभ देखिएको हो ।
ओलीसहित पत्नी राधिका शाक्यमा पनि संक्रमण देखिएको छ ।
एमालेको केन्द्रीय प्रचार विभागका उपप्रमुख विष्णु रिजालका अनुसार लक्षण देखिएपछि गरिएको परीक्षणमा अध्यक्ष ओलीलाई संक्रमण भएको र उनी हाल बालकोटस्थित निवासमा आइसोलेशनमा रहेका छन् ।
आसन्न स्थानीय तहको निर्वाचनलगायत विषयमा आज अध्यक्ष ओलीले पत्रकार सम्मेलन आयोजना गर्ने भनिएको कार्यक्रम स्थगन भएको छ भने पार्टीको धारणा प्रेस विज्ञप्तिमार्फत् सार्वजनिक गरिने जनाइएको छ ।
